શાળામાં આપણા આદર્શ કોણ છે? આપણા શિક્ષકો, ખરું ને? આપણી માતા આપણી પહેલી શિક્ષિક છે અને ત્યાર બાદ શાળામાં જુદા જુદા ધોરણમાં જુદા જુદા શિક્ષકો હોય છે. મિત્રો, શું તમે આપણા જીવનમાં ગુરુ કે શિક્ષકનું મહત્વ જાણો છો? ચાલો જાણીએ...
એક બાઉલ લો અને તેમાં તેની ક્ષમતાના પ્રમાણમાં 2/3 પાણી ભરો. તેમાં એક પેપર ક્લિપ નાખો અને શું થાય છે તેનું અવલોકન કરો.
હવે બાઉલમાંથી પેપર ક્લિપ કાઢો. અને પેપર ક્લિપની સાઈઝ કરતા ત્રણ ગણો મોટો ટીશ્યુ પેપરનો ટુકડો ફાડો.
ટીશ્યુને પાણીની સપાટી પર હળવેથી મૂકો જેથી તે ઉપર તરતો રહે. પાણી કે ટીશ્યુને સ્પર્શ કર્યા વિના ટીશ્યુ પેપર પર હળવેથી પેપર ક્લિપ મૂકો.
પેન્સિલના ગોળાકાર છેડાનો ઉપયોગ કરીને પેપર ક્લિપને સ્પર્શ કર્યા વિના ટીશ્યુને નીચે તરફ ધકેલો. પેપર ક્લિપનું અવલોકન કરો.
પાણીમાં પડતાં જ પેપર ક્લિપ તરત જ ડૂબી ગઈ. જો કે, ટીશ્યુના ઉપયોગથી, પેપર ક્લિપ પાણીની સપાટી પર તરતી રહી.
ધારો કે પેપર ક્લિપ એ લોકો દર્શાવે છે.
પાણીની સપાટી આપણી દુનિયા દર્શાવે છે.
ટીશ્યુ પેપર ગુરુઓ અથવા શિક્ષકો દર્શાવે છે.
શિક્ષક કે ગુરુ આપણા જીવનમાં તરતા રહેવા અને આગળ વધવા માટે મહત્વપૂર્ણ છે. જો કોઈ પાસે ગુરુ ન હોય તો શું થાય? પ્રયોગમાં પેપર ક્લિપની જેમ જ ડૂબી જવાય. તેથી, જો કોઈને શિક્ષક કે ગુરુનું માર્ગદર્શન મળે તો તરી જવાય અને જીવનમાં આગળ વધવું સરળ બની જાય.
This website use cookies to help you have a superior and more relevant browsing experience on the website. Read more...