જરા વિચારો, શું તમે તમારા બધા મિત્રો સાથે હંમેશા સારા સંબંધ જાળવી શકો છો? ના! કારણ કે સમય જતાં, મતભેદો ઊભા થાય છે અને તેથી આપણે હંમેશા સતત સંબંધ જાળવી શકતા નથી. આ મતભેદોનું કારણ શું છે? જો આપણો મિત્ર વારંવાર કોઈ એક રીતે વર્તે છે, તો આપણે તેના વિરુદ્ધ અભિપ્રાયો રાખીએ છીએ કે, 'તે હંમેશા આવું જ કરે છે' અથવા 'જુઓ, મેં તમને કહ્યું હતું ને, તે આ રીતે પ્રતિક્રિયા આપશે.' પરંતુ, શું તમે જાણો છો કે આ અભિપ્રાયો 'રંગીન ચશ્મા' જેવા છે, જે આપણને વસ્તુઓને જેમ છે તેમ જોવા દેતા નથી. ચાલો જોઈએ કે આપણા અભિપ્રાયો કેમ ભ્રામક છે...
પેનને હાથમાં પકડો અને પેનમાં કોઈપણ પ્રકારની વિકૃતિ છે કે નહીં તે સારી રીતે તપાસો. બતાવ્યા પ્રમાણે પેનને ખાલી ગ્લાસમાં મૂકો. પેનના આકારનું અવલોકન કરો.
હવે અડધા ગ્લાસમાં પાણી ભરો અને ફરી એકવાર પેનનો આકાર જુઓ. શું અલગ દેખાય છે?
શરૂઆતમાં જ્યારે ગ્લાસ ખાલી હતો, ત્યારે પેન સામાન્ય દેખાતી હતી. જયારે પાણીમાં ડૂબાડવામાં આવી, ત્યારે પાણીને સ્પર્શતી સપાટીએ પેન વળેલી લાગતી હતી. આનું કારણ એ છે કે આપણે પેનને જે માધ્યમમાં જોઈ રહ્યા છીએ તે જુદું છે. શરૂઆતમાં, હવા માધ્યમ હતી અને બીજા કિસ્સામાં, પાણી માધ્યમ હતું. તેથી, જયારે તે પાણીમાં ડૂબાડવામાં આવી ત્યારે પેન વાંકી લાગતી હતી.
ધારો કે, પેન આપણી આસપાસના બધા લોકો છે (ઉદાહરણ તરીકે આપણા મિત્રો અથવા શિક્ષકો).
પાણી તેમના માટે આપણા અભિપ્રાયો છે.
શરૂઆતમાં, પેનબરાબર દેખાતી હતી. જોકે, પાણીમાં પ્રવેશતાની સાથે જ પેનનો આકાર બદલાઈ ગયો. આપણા જીવનમાં પણ આવું જ બને છે. આપણા અભિપ્રાયો આપણને વસ્તુઓને જેમ છે તેમ જોવા દેતાં નથી અને ઊંધું જ બતાવ્યા કરે છે. દાદાજીનું વિજ્ઞાન કહે છે કે, જ્યારે બીજા વિશે આપણા નકારાત્મક અભિપ્રાયો તૂટી જાય, ત્યારે આપણે તેની સાથે ખુશીથી વાત કરી શકીએ છીએ, કોઈ પણ શંકા વિના. પરિણામે, બીજી વ્યક્તિ પણ ખુશ થશે. જ્યારે આપણે કોઈની વિરુદ્ધ નકારાત્મક અભિપ્રાયો રાખીએ છીએ અને તેને તે ચશ્મા/માધ્યમ દ્વારા જોઈએ છીએ, તો આપણને ફક્ત તેના દોષો જ દેખાશે.
હવે, કોઈની વિરુદ્ધ નકારાત્મક અભિપ્રાયો બદલવા માટે આપણે શું કરવું જોઈએ? આપણે તે વ્યક્તિ વિશે સકારાત્મક વાતો કહેવી જોઈએ, ઉદાહરણ તરીકે, 'તે ખૂબ જ સારો છે', 'તે ખૂબ મદદરૂપ છે' વગેરે તો જ તેના વિરુદ્ધ આપણા અભિપ્રાયો ઓગળી જશે.
This website use cookies to help you have a superior and more relevant browsing experience on the website. Read more...