આપણે ઘણીવાર આપણા મિત્રો, માતા-પિતા અને શિક્ષકોને જાણતા કે અજાણતા દુઃખ પહોંચાડીએ છીએ... ખરું ને? ચાલો, આપણી ભૂલો માટે માફી માંગીએ અને 'પ્રતિક્રમણ' નામના આ જાદુઈ સાબુની શક્તિ ઓળખીએ!
એક ગ્લાસ પાણી લો અને તેમાં ફૂડ કલરના થોડા ટીપાં ઉમેરો. તેને સારી રીતે હલાવો.
રંગ અદૃશ્ય થવા લાગે ત્યાં સુધી બ્લીચના ટીપાં ઉમેરો
હવે પાણીનો રંગ જુઓ!
વાહ! પાણીનો રંગ ક્લીઅર દેખાય છે! કારણ કે બ્લીચમાં સોડિયમ હાઈપોક્લોરાઈટ હોય છે, જે તરત જ પાણીમાંથી રંગ કાઢી નાંખે છે અને તેને ફરીથી સ્પષ્ટ બનાવે છે.
ધારો કે,
૧) પાણી = અન્ય લોકો સાથેની આપણી સામાન્ય ક્રિયા-પ્રતિક્રિયા
૨) ફૂડ કલર = મન, વચન કાયા દ્વારા આપણું દુઃખદાયી વર્તન
૩) બ્લીચ = પસ્તાવો કરવો અને ક્ષમા માંગવી (પ્રતિક્રમણ)
આપણી સામાન્ય ક્રિયાઓ અને પ્રતિક્રિયાઓ (દા.ત. ખાવું, સૂવું, બોલવું, વગેરે) આ બીજા માટે નુકસાનકારક નથી. પરંતુ જો આપણું વર્તન બીજા માટે નુકસાનકારક બનવા લાગે (દા.ત. આપણા ભાઈ-બહેનોને મારવા, આપણા મિત્રોની મજાક ઉડાવવી અથવા આપણા માતાપિતા સાથે કઠોર વાણીથી બોલવું વગેરે) તો આપણી ભૂલોથી પાછા ફરવા માટે, આપણે 'પ્રતિક્રમણ' કરવાની જરૂર છે. આ સામેવાળી વ્યક્તિની અંદર બેઠેલાં ભગવાનને સંબોધીને કરવામાં આવે છે, "હે ભગવાન! મેં આ ભૂલ કરી છે. હું તેના માટે પસ્તાવો કરું છું. હું ક્ષમા માંગુ છું અને આવી ભૂલ ફરી ક્યારેય નહીં કરું."
This website use cookies to help you have a superior and more relevant browsing experience on the website. Read more...