મસ્ત ટમાટર

મસ્ત ટમાટર: ચાલો મિત્રો, રાત થઈ ગઈ છે. હવે ભાજી લેવા કોઈ નહીં આવે. આપણે જ્યાં જવું હોય ત્યાં જઈ શકાશે.

કરેલા કાકા: ઉફ ! સવારથી આડા સુઈ સુઈને કમર જકડાઈ ગઈ છે.
મસ્ત ટમાટર: હવે તમારી ઉંમર થઈ ગઈ છે એટલે આવું તો થાય.

કરેલા કાકા: બીજા પર હસતા પહેલા યાદ રાખજે કે તારો પણ દિવસ આવશે.

મિર્ચી માસી: આવી રીતે વાત કરાય ?
મસ્ત ટમાટર: મજાક કરતો હતો, માસી ! તમારો સ્વાદ અને સ્વભાવ બંને તીખા તમતમતા !

બ્રીન્જલ અંકલ: વાતાવરણ કેટલું સરસ છે ! ચાલો, વોક કરવા જઈએ.
મસ્ત ટમાટર: આઈ લવ યુ અંકલ. તમે એકદમ મારા જેવા જ છો.

મસ્ત ટમાટર: વાઉ, કેટલી ઝગમગતી અને ખુલ્લી જગ્યા છે.
બ્રીન્જલ અંકલ: અહિયાં પણ આપણા જેવી જ શાક-ભાજી મળતી હોય છે.

બધા ફરીને પાછા આવે છે.
કરેલા કાકા: સવાર થવા આવી. ચાલો, બધા પાછા લારીમાં ગોઠવાઈ જઈએ.

અચાનક ખટપટિયા બજારમાં પોલીસની રેડ પડે છે અને સામાન અહિયાંથી ત્યાં કરવામાં મસ્ત ટમાટર પડી જાય છે.

મસ્ત ટમાટર: અરે, ઊભા તો રહો ! મને પણ લઈ જાઓ. મને છોડીને ક્યાં જાઓ છો. ઓહ નો ! આ મને શું થઈ ગયું છે ?

મસ્ત ટમાટર: વાઉ, આ તો પેલી ઝગારા મારતી જગ્યા. આ દુનિયા તો વધારે શાનદાર છે. અહીં મારા નવા ફ્રેન્ડ્સ બની જશે.

મસ્ત ટમાટર: હેલ્લો, મેં યહાં રહ સકતા હૂં ?
બ્રીન્જલ: એ પીચકું ! તારું મોં જો. મરેલા જેવું ! ચલ ફૂટ.

કોબી: તું તો મોટો થતા પહેલા જ અટકી ગયો. તેરી મમ્મીને કોમ્પ્લાન નહીં પિલાયા ?
ટમાટર ત્યાંથી ભાગી જાય છે.

મસ્ત ટમાટર: મારા જૂના ફ્રેન્ડ્સ કેટલા સારા હતા. આઈ મીસ ધેમ. એમની મશ્કરી કરીને મેં એમને કેટલું દુ:ખ આપી દીધું !

મસ્ત ટમાટર: આ લારી તો જાણીતી લાગે છે ! શું હું પાછો ખટપટિયા બજારમાં આવી ગયો છું ? એ લારી પર ચડી જાય છે.

કરેલા કાકા: અરે ટમાટર, તું આવી ગયો ?
મસ્ત ટમાટર: હાશ ! તમે બધા મળી ગયા. એ લોકોએ પેલા મોલમાંથી મને કાઢી મૂક્યો.

મિર્ચી માસી: અરે, આ જો આની શું હાલત થઈ છે !
મસ્ત ટમાટર: હું છૂંદાઈ ગયો છું. તો પણ તમે મને તમારી સાથે રાખશો ?

કરેલા કાકા: તો શું થયું ? તારો સ્વાદ તો એવો ને એવો જ છે ને !
મસ્ત ટમાટર: મારી મસ્તીઓ માટે બધા મને માફ કરી દો.

મસ્ત ટમાટર:  હું પ્રોમિસ કરું છું કે ક્યારેય કોઈની મશ્કરી નહીં કરું.
મિર્ચી માસી:  ચાલો, દેર આએ, દુરુસ્ત આએ !

બ્રીન્જલ અંકલ: તો ઈસી બાત પે, ફરીથી વોક કરવા જઈએ ?
કરેલા કાકા: ક્યાં ? પેલા મોલમાં?

મસ્ત ટમાટર: ના.....
બધા હસી પડે છે.